NOS SELEKSHON NASHONAL TA RUMBO PA DALLAS PA NOS KOMPROMISONAN DEN GOLD CUP 2021!
NOS SELEKSHON NASHONAL TA RUMBO PA DALLAS PA NOS KOMPROMISONAN DEN GOLD CUP 2021!
Manera ya ta konosí, nos selekshon ta na Los Angeles pa un ‘trainingskamp’ pa prepará pa nos próksimo kompromisonan di Gold Cup 2021. Awe nos selekshon ta tin nan último training kaminda a para ketu na e parti táktiko. Nos entrenadó, Patrick Kluivert, a duna di konosé ku e ta satisfecho kon e ‘trainingskamp’ a bai i ku nos ta bai Gold Cup pa duna un bon bataya. Awe ‘nochi nos selekshon lo biaha bai Dallas pa nos promé partido di Gold Cup kontra El Salvador dia 10 di yüli binidero.
Tambe nos ta informá ku despues di a hasi tèst di PCR ku e grupo kompletu riba dianan 29 yüni, 2 i 4 di yüli a resultá ku lamentabelmente un di nos hungadónan a tèst positivo pa Covid-19 i a wòrdu poné den isolashon. E hungadó aki no a presentá niun síntoma i tabata durante e último tèst ku a detektá esaki. Pa e hungadó su privasidat nos lo no revelá su identidat. Aktualmente e ta bon di salú i lo keda Los Angeles kompañá pa un miembro di nos staf.
FFK ta deseá e hungadó aki un pronto rekuperashon!
