Historia ta ripití. Polítikonan ta bringa atrobe, dividí nos pueblo. Knops ta hari.

 

Historia ta ripití. Polítikonan ta bringa atrobe, dividí nos pueblo. Knops ta hari.

Unda e plan di solushon ta?

Parlamentario pa partido Trabou Pa Kòrsou TPK, Rennox Calmes, a tuma nota di un kangamentu di saya den medianan di komunikashon entre diferente partido polítiko relashoná ku un moshon kaminda NÒ a ratifiká i NÒ a honra petishon di sekretario di estado. “Sinembargo, nos a tuma nota ku atrobe historia ta ripití su mes, esta diskutiendo riba un punto ku Hulanda a trese. Pero Kòrsou mes no ta poniendo su plan dilanti”, konforme Calmes.  

Ta konstantemente un pueblo ku no konosé su historia, ta kondená pa ripiti’e. Anto esei ta pasando aktualmente. Esaki ta klaramente un señal di falta di liderazgo di parti nos polítikonan ku enbes di bini ku un plan pa ku un solushon duradero pa pais Kòrsou, ta keda kanga saya i pleita ku otro.

Ora ku pueblo a kere ku porfin ta bai tin polítikonan nobo, un parlamento ku pensamentu otro, nos di Trabou Pa Kòrsou TPK a tuma nota ku ketu bai e polítika tradishonal tei. Esaki sigur no ta e aktitut di un gobernante orgániko. Nos ta keda para na e gobernante orgániko ku ta para pa solushon. E solushonnan pa lokual ta trata transformashon di nos sistema di finansa, transformashon di nos sistema ekonómiko, transformashon di nos enseñansa i rumbo ku pais mester bai, mes no ta formando parti di e diskushon aktual.

Trabou Pa Kòrsou TPK ke pone énfasis ku e diskushon no mester ta e ‘landenpakket’ òf e ‘Coho’, paso esey no mester ta nos diskushon, paso esey no ta nos plan. E diskushon mester ta nos plan. Relashoná ku esaki TPK Trabou Pa Kòrsou ta bai pidi un reunion públiko pa parlamento por diskutí riba “plan Kòrsou” i no riba ‘landenpakket’ òf ‘Coho’.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: