Tim di maneho lo averiguá akusashonnan serio di siudadano kontra di algun polis.

 

KOMUNIKADO DI PRENSA 267 / 2021
26 yüli 2021
Tim di maneho lo averiguá akusashonnan serio di siudadano kontra di algun polis.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kuerpo Polisial Kòrsou a tuma nota di un entrevista siman pasá na un emisora lokal, unda
un persona ku ya a risibí un sentensia pa un kaso penal, lo mester a lansa algun akusashon
sumamente serio den direkshon di algun agente polisial.
Maneho di Kuerpo Polisial ta lamentá e echo ku e siudadano aki no a duna un deklarashon
ofisial i/o hasi un denunsia na outoridatnan kompetente di e lokenan ku el a trese dilanti
durante di su entrevista.
No opstante di esei, maneho lo bai averiguá verasidat di e akusashonnan aki i lo aktua
konforme si ta nesesario.
E agentenan en kestion semper tin e libertat pa inmediatamente entregá un keho pa entre
otro difamashon kontra di e siudadano aki i kuerpo mes tambe lo tuma e pasonan
korepsondiente na su debido tempu.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: