Polis ta bai aktua kontra di muzik duru i buracheria públiko.

 

KOMUNIKADO DI PRENSA 271 / 2021
28 yüli 2021
Polis ta bai aktua kontra di muzik duru i buracheria públiko.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Ultimo tempu mas i mas polis a bin ta konstatá, pero tambe ta risibí vários yamada tokante
di personanan ku a tuma pa kustumber, di ta aglomerá riba kamindanan públiko i tambe na
playanan públiko, saka ekipo di músika for di vehíkulo pa despues kuminsa toka esaki na un
volúmen hopi haltu.
Hopi bia e akto aki ta bai kompañá pa konsumo di alkohòl na gran eskala.
Aparte ku e tendensia kresiente aki ta kontra di lei, e ta formando un molèster tambe pa
otro siudadanonan ku ke hasi uso di playanan pa relahá i disfrutá den un esfera trankil.
E mesun aktividat aki ku ta tuma lugá te den oranan lat di mardugá riba kaminda públiko òf
na sitionan públiko, ta stroba e trankilidat i sosiegu di anochi di habitantenan den
bisendario, pa kua unidatnan polisial mester akudí.
Kuerpo Polisial ta atvertí pa medio di e komunikado aki, ku lo bai aktua mas fuerte i dirigí
kontra di e fenómeno aki den próksimo dianan.
Alabes ke rekordá tur siudadano ku pa hasi kualkier otro músika ku no ta músika di fondo
riba kaminda públiko of na sitionan públiko, mester di un pèrmit miéntras ku buracheria
públiko ta kastigabel pa lei.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: