ALV DI PARTIDO NASHONAL A RATIFIKÁ RUISANDRO CIJNTJE KOMO NOS PRÓKSIMO MINISTER DI EKONOMIA PA PARTIDO NASHONAL DI PUEBLO

 

ALV DI PARTIDO NASHONAL A RATIFIKÁ RUISANDRO CIJNTJE KOMO NOS PRÓKSIMO MINISTER DI EKONOMIA PA PARTIDO NASHONAL DI PUEBLO

 

Ayera den un sala kompletamente yen di nashonalistanan di puru sepa, sala a ratifiká Sr. Ruisandro Cijntje komo e próksimo minister di ekonomia di Korsou. Cijntje tabata number 7 riba ultimo lista di Partido Nashonal di Pueblo na ultimo elekshon.

 

E ratifikashon a bai ku pen ku papel. Sala e tuma desishon pa nos ban vota i no pa skohé via aklamashon. Direktiva a asepta esaki mesora mirando ku e ta para den statutonan di e partido. Den votashon 53 di total di 76 miembronan ku tabatin derecho di voto a duna Ruisandro e konfiansa. Tabatin 17 voto kontra, 4 blanku i 2 invalido ku a suma 76. 

 

Despues di votashon Direktiva den persona di Sr. Van Wilgen na nomber di Direktiva a yama Rusiandro pabien, desee hopi forsa I sabiduria pa e trabounan ku lo bin den su direkshon i mesora a trese dilanti ku Lider di Partido lo bai manda su nomber pa asina kuminsa ku e proseso di skrining. 

 

Rusiandro mes a yama danki na tur ku a dune konfiansa . Tambe na esnan ku tabatin otro opinion ku e, e ta semper habri pa por kombersa i yega na un akuerdo. 

 

Un danki na CCC na Emmastad pa por a hasi uzo di e sala.

 

DIREKTIVA DI PARTIDO NASHONAL DI PUEBLO