Minister van Heydoorn ta firma akuerdo di koperashon ku ROC Mondriaan

Minister van Heydoorn ta firma akuerdo di koperashon ku ROC Mondriaan

Geplaatst op 30 July 2021 dor di Ministerio Enseñansa, Siensia, Kultura & Deporte

DEN HAAG – Minister di Enseñansa, Siensia, Kultura i Deporte sr. Sithree van Heydoorn ta firma akuerdo di koperashon ku Presidente di ROC Mondriaan sr. Hans Schutte. Durante di Minister van Heydoorn su bishita na Hulanda Minister a reuní i firma un akuerdo kaminda ta bai traha huntu den kuadro di interkambio edukashonal i profeshonal pa un mihó kalidat di enseñansa.

E akuerdo akí ta bai kontribuí na un desaroyo sostenibel huntu ku e plan di CTB, kaminda e kapital humano ta para sentral i ta e komponente esensial pa desaroyo stratégiko turístiko durante e periodo di 2022 pa 2026. E sektor di enseñansa ta den preparashon pa traha un programa di interkambio ku kontenido riba diferente nivel ku ta nesesario pa sektor di hospitalidat i turismo. E gran kantidat di konosementu den e konteksto turístiko di Hulanda ta bai duna un empuhe na e struktura moderno di e industria hotelero. E enfoke riba e kapital humano ta un punto di lansa importante ku ta yuda den e proseso intangibel, kaminda e sektor hotelero lo sali benefisiá.

Produktonan ku ta di gran balor ta servisio na kliente, identidat produktivo, sosten institushonal, i ‘Public Private Partnership’. Esaki ta bai yuda yega na kambio den e forma di pensa kon pa duna servisio na kliente den e industria. Na mes momento training di e kapital humano ta aktivá e desaroyo ekonómiko ku ta kondusí na stabilidat finansiero. Pues e akuerdo akí ta di gran balor pa e sektornan di edukashon turístiko di nos pais.

Den un forma di interkambio e dos organisashonnan ta bai siña di otro i asina stimulá e desaroyo di interkambio di konosementu i profeshonalismo, pa ku por ehèmpel e arte kulinario i mas. Esaki no solamente ta sosodé na skolnan, pero tambe na trabou mes trahadónan por siña i haña oportunidat nobo den e ramo akí.

Minister van Heydoorn ta sumamente satisfecho ku e akuerdo akí, debí ku esaki ta kuadra ku pensamentu di e gobièrnu aktual kaminda desaroyo di e hende ta prioridat. Pa medio di e trayekto akí ta krea espasio pa e hóben i adulto.

**riba e pòrtrètnan athunto por tuma nota di e momentu ku e akuerdo a keda firmá entre e Minister di ESKD sr. Sithree van Heydoorn i Hans Schutte di ROC Mondriaan

Ministerio konserní 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: