Paga bo prima di seguro  digitalmente: Banco di Caribe ta enkurashá klientenan pa hasi pago via ‘online banking’

 

Paga bo prima di seguro  digitalmente: Banco di Caribe ta enkurashá klientenan pa hasi pago via ‘online banking’

 

WILLEMSTAD: Seguro di kas, outo, bida, di biahe òf kualke otro seguro ku abo komo kliente tin, ta importante pa nan ta na òrdu. Pa e motibu aki Banco di Caribe su departamento di Seguro ta rekordá tur kliente pa na momento ku mester paga e prima di seguro, pa hasi esaki ‘online’ òf  ku un tarheta di débito. Ademas, Banco di Caribe su departamento di Seguro ta invitá tur kliente pa traha un sita si mester aktualisá nan informashon, paga prima di seguro, risibí splikashon òf pa aplikashon di kualke tipo di seguro. 

 

No por paga ku sèn efektivo mas

Banco di Caribe su departamento di Seguro  ta kòrdá tur kliente ku por paga prima di seguro  solamente via di ‘online banking’ òf ku un tarheta di débito. No ta aspetá sèn efektivo mas komo forma di pago  na e departamento di Seguro.  Pa informashon kon pa hasi e pago ‘online’,  bishitá e página di pregunta di Seguro riba www.bancodicaribe.com. 

 

Un sita pa bo bishita

Ta pidi pa klientenan di departamento di Seguro tene na kuenta ku desde 12 di ougùstùs último no ta risibí ‘walk ins’ mas. Esaki ta nifiká ku tur kliente mester traha un sita promé ku por pasa na ofisina situá na Schottegatweg Oost 100. Por traha e sita via di ‘Contact Us’ riba  http://www.bancodicaribe.com, òf por manda un e-mail na insurance@bancodicaribe.com.  Tambe por yama 432.3469, 432.3460 òf 432.3466 pa traha un sita.

 

Pa tur pregunta adishonal por yama Banco di Caribe su departamento di Servisio pa Kliente  na 

432 3200.  Banco di Caribe ta konta ku koperashon di klientenan.