Biyete di banko falsu di 100 florin den sirkulashon

 

Biyete di banko falsu di 100 florin den sirkulashon

Willemstad/Philipsburg – Centrale Bank van Curaçao en Sint Maarten (CBCS) a konstatá ku na Kòrsou
a topa ku biyetenan di banko di 100 florin falsu den sirkulashon. Despues di un análisis di e
falsifikashonnan, e siguiente karakterístikanan ta mas notabel:
– E papel ku a usa pa traha e biyetenan falsu no ta papel spesial sino papel normal, lokual ta fásil pa
sinti.
– Riba un biyete outéntiko e lèternan N i A ta kai eksaktamente riba otro. Esaki bo por mira na
momentu ku bo tene e biyete kontra di lus. Riba e biyetenan falsu por mira e N i A sin tene e biyete
kontra di lus.
– Kada biyete outéntiko tin un number di serie úniko. Kada biyete falsu analisá tin e mesun number di serie. Mas ku klaro esaki ta notabel solamente na momentu ku un persona tin mas ku un di e biyetenan aki.
– E fòil kolo di oro riba un biyete outéntiko, ta skur riba e biyete falsifiká. E kambio di kolo aki ta surgi
na momentu ku ta saka fotokopia di e biyetenan.
CBCS kier alertá públiko pa kontrolá biyetenan, espesialmente esunnan di 100 florin, promé ku aseptá
esaki. Akaso bo tin duda pa loke ta trata e outentisidat di e biyete, ta konsehá bo pa nenga e biyete i
alerta kuerpo di polis.
Pa mas informashon tokante di e karakterístikanan di outentisidat di biyetenan di banko, nos ta referí
bo na e wèpsait di CBCS bou di e titular di Education òf via
https://www.centralbank.cw/education/videos/security-features-of-banknotes.
CBCS ta bolbe kòrda ku no ta permití pa ningun persona i/òf instansia pa aseptá biyetenan di banko
falsu. Pa falsifikashon di plaka òf pagamentu konsientemente ku plaka falsu tin un kastigu di prizòn
máksimo di nuebe aña.
Willemstad, 24 di ougùstùs 2021
CENTRALE BANK VAN CURAÇAO EN SINT MAARTEN

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: