Kontrolnan di Polis, M.E.O. i Brantwer durante di fin di siman.

 

KOMUNIKADO DI PRENSA 304/2021
29 ougùstùs 2021
Kontrolnan di Polis, M.E.O. i Brantwer durante di fin di siman.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Durante di e fin di siman aki, e tim multidisiplinario formá pa Polis, M.E.O. i Brantwer a tene
kontrol na varios establesimentu i sítionan riba nos isla.
Djabièrnè dia 27 di ougùstùs a kontrolá 20 establesimentu di kua 14 tabatin tur kos na òrdu,
miéntras ku a para un (1) aktividat i a repartí 8 prosès verbal.
E aktividat ku a wòrdu pará tabata pa motibu di muzik duru i no tabata disponé di e pèrmit
nesesario.
E atvertensia tabata pa un establesimentu ku no tabata registrá e klientenan.
Polis mester a atendé tambe severamente ku un tata ku a laga su yu menor di edat drumí
den outo, pa e bai bishitá un klup nokturno riba Cubaweg.
E kontrolnan aki a kontinuá riba djasabra 29 di ougùstùs tambe i di 23 establesimentu ku a
kontrolá, 17 tabatin tur kos na òrdu, miéntras ku a duna 3 atvertensia, parti 6 prosès verbal
i a sera dos lugá.
E dos atvertensianan tabata pa sirbi kliente sin tapaboka bistí, miéntras ku a sera
establesimentunan ku tabata operá sin e permit nesesario.
Por bisa ku e komportashon di públiko por lo general tabata na satisfakshon, ounke serka
diferente propietario di negoshinan, ainda tin hopi inkumplimentu di trahadónan ku no ta
bisti tapaboka na momentu di atendé ku kliente.
E kontrolnan aki ta sigui.