Ladronisia di ekípo di brantwer na Post Barber.

KOMUNIKADO DI PRENSA 068 /2022
6 febrüari 2022
Ladronisia di ekípo di brantwer na Post Barber.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Den oranan di mardugá di djadumingu 6 di febrüari 2022, malechornan lo mester a bai ku
ekípo di reskate hidrouliko for di un di e vehíkulonan di brantwer ku ta stashoná na e pòst
na Barber.
E ekípo aki ta sumamente importante i nesesario pa brantwer por hasi su trabou di reskatá
personanan ku ta enbolbí den situashonnan kompliká i di peliger.
Un yamada ta bai na kualke persona ku sa algu di e ladronisia aki, pa tuma kontakto ku polis
mesora na 917 òf e liña anonimo 108.
Ademas polis ke hasi un yamada na doñonan di negoshinan pa ta alerta, pasobra e ekípo aki
ku wòrdu hortá, hopi bia ta wòrdu usá pa kometé kiebronan na lokalidatnan unda tin
propiedat di hopi balor.