Detenshon pa maltrato i destrukshon.

KOMUNIKADO DI PRENSA 067 /2022
6 febrüari 2022
Detenshon pa maltrato i destrukshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djasabra 5 di febrüari 2022 alrededor di 14.30’or, Sentral di Polis a dirigí un unidat di
Montaña pa Ma Louisa kaminda un destrukshon tabata tumando lugá.
Na yegada di e unidat na e sitio, el a komprondé di e víktima, ku un hòmber lo mester a
drenta den su kas mientras ku e tabata drumí i pega su kolchon na kandela.
Despues e hòmber aki lo a agredí e víktima ku un palu.
Tambe e sospechoso a kometé varios destrukshon na porta i bentananan di e kas di e
víktima i na su outo.
E sospechoso ta akusa e víktima di a hòrta su propiedat.
Alrededor di 14.55’or polis a detené e hòmber sospechoso A.R.J. di 47 aña di edat nase na
Kòrsou en konekshon ku maltrato i destrukshon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.