Delegashon “eerste kamer” na Kòrsou ke bai kome so ku parlamento

Mi no ta interesá den kome ku boso nan si no tin otro enkuentro. Tin tópikonan pa atendé

              Delegashon “eerste kamer” na Kòrsou ke bai kome so ku parlamento
            Calmes ke sa: ki nan agenda ta fuera di sera konosi? Mester wak nan bon

 

 

 

Lider polítiko di Partido Trabou pa Kòrsou, Sr. Rennox Calmes ta buskando informashon unda mas e delegashon di “eerste kamer” lo bai.

Dia 17 febrüari awor, e delegashon lo ta na Kòrsou. Esaki no ta nada nobo, pero kon ta posibel ku otro miembro nan di un Parlamento di otro pais ta bini Kòrsou i mi mes miembro di Parlamento di Kòrsou no tin informashon kiko presis nan ta bin hasi i unda nan lo bai hasi bishitá. Úniko informashon ku mi tin ta ku nan a invita nos pa ban kome. Mi no ta interesá den kome ku bosnan si no tin otro reunion of enkuentro. Debi ku nos ta den reino, tin kos nan di atendé sigur, manera defisit de statüt, asuntu di dekolonisashon, defisit den konseho di minister di reino, desishon nan di Hulanda pa ku e guera di Ukrania i Rusia i su efektonan pa Kòrsou, geopolitika. Imposibel un delegashon di “eerste kamer” ta bin te Kòrsou pa kome so ku Parlamento di Kòrsou. Mester waknan bon. Di otro banda mi ta sinti falta  proaktividat di miembronan di Parlamento di Kòrsou pa probecha di e bishita aki i sinta atendé na Kòrsou ku e delegashon aki.

 

Pa mas informashon por tuma kontakto ku lider di Trabòu Pa Korsou TPK,

sr. Rennox Calmes