Parlamento di Kòrsou: Komishon di Asuntunan di Reino a trata diferente punto di agènda

Djaluna, 9 di novèmber 2026, Komishon di Asuntunan di Reino, Relashonnan Interparlamentario i Relashonnan Eksterior a reuní pa trata diferente punto di agènda, entre otro proposishonnan di Lei di Reino relashoná ku akuerdo ku e Agensia Internashonal di Energia Atómiko (IAEA), protekshon di patrimonio kultural i kambio den Lei di Nashonalidat Hulandes.

Durante e reunion, Miembronan di Parlamento a deliberá ku otro riba e puntonan di agènda, pa asina yega na un posishon komo komishon.