A traha riba kolaborashon mas serka pa asina yuda mehora e servisio interno di nos Gobièrnu, Minister Shalten Hato ta bishitá Organisatie & Personeel Rijk (O&P Rijk)

A traha riba kolaborashon mas serka pa asina yuda mehora

e servisio interno di nos Gobièrnu

 

Minister Shalten Hato ta bishitá Organisatie & Personeel Rijk (O&P Rijk)

 

WILLEMSTAD.- Otro bishita di trabou ku minister demishonario, mr. Shalten Hato di Maneho di Gobernashon Planifikashon i Servisio Públiko(BPD) a realisá na Hulanda ta na O&P Rijk(Organisatie & Personeel) na Den Haag.  Ta trata aki di e sentro di ekspertisio pa asuntunan di personal i organisashon den gobièrnu na Hulanda.

 

Minister Hato a duna di konosé ku for di e momentu ku el a asumí e enkargo di Minister di BPD, el a pone komo prioridat pa optimalisá e departamento di SSO, ku ta e direktorado ku ta responsabel pa tur servisio ku den gobièrnu. Esaki ta inkluí e atministrashon di salario i personal. Minister Hato a bisa e ta kere ku e servisio aki por traha aun mas mihó i efisiente. Segun e minister nos ta trahando riba un kolaborashon mas serka, ku komo meta final pa mehora e servisio interno di nos Gobièrnu kual lo yuda tambe den un mihó servisio eksterno na nos komunidat.