LOES JASPERS TA TRASPASÁ SU TRABOU NA SALUBRIDAT PÚBLIKO PA BERT WOLTERS

Kralendijk – For di 1 di aprel 2022 Loes Jaspers no ta traha mas komo dòkter di komunidat i salú i  kombatimentu di malesa di infekshon na departamento di Salubridat Públiko. Entrante e  fecha akí Bert Wolters ta susesor di Jaspers.

For di aña 1992 te na momento ku el a bini Boneiru e aña akí, Wolters a traha komo dòkter di komunidat i salú i dòkter di kombatimentu di infekshon na GGD na Groningen, Hulanda. Den e periodo akí komo dòkter el a okupá su mes tambe ku kombatimentu di tuberkulósis i el a traha komo dòkter forénsiko. Loes Jaspers ta keda en todo kaso te luna di yüni 2022 ainda na Boneiru. E ta prosesá resultadonan di e investigashon di keho ku hende tin despues ku nan a haña  COVID-19, o sea long-COVID’.

PORTRÈT: EPB