Ta enkurashá nos komunidat pa sigui hasi donashon: Banco di Caribe ta hasi donashon digital na Fundashon Pro Bista

 

Ta enkurashá nos komunidat pa sigui hasi donashon:

Banco di Caribe ta hasi donashon digital na Fundashon Pro Bista

 

WILLEMSTAD: E aña aki pa di 22 aña konsekutivo Fundashon Pro Bista a dediká luna di ougùstùs komo su luna di kolekta. Banco di Caribe ta enkurashá su klientenan pa kontribuí na e fundashon i esaki por henter aña fásilmente via di un transferensia online. 

 

Fundashon Pro Bista ta un organisashon profeshonal ku ta guia mucha, hoben i adulto ku tin difikultat ku bista for di aña 1999. Aktualmente, Fundashon Pro Bista tin 500 miembro registrá di kua 180 ta aktivo. Aparte di guia profeshonal, e organisashon tin areanan funshonal pa desaroyo di tur miembro i areanan spesial di rekreashon. Pa menshoná algun servisio mas, e organisashon ta brinda area pa lesa, transporte spesial i e eksperensia kulinario úniko di ‘Experience in the Dark’. 

 

Donashon Digital:

Pa pone akshon tras di palabra, Banco di Caribe resientemente a hasi un donashon digital di ANG 1000,-  na Fundashon Pro Bista. Ku e donashon aki Banco di Caribe ke inspirá su klientenan pa nan tambe hasi un donashon fásil i sigur via di Banco di Caribe Online. Por hasi e donashon na Fundashon Pro Bista riba number di kuenta 16712301 na Banco di Caribe. Resientemente, direktor komersial di Banco di Caribe sr. Dito de Kort a risibí representantenan di Fundashon Pro Bista pa skucha mas tokante di e bon trabou ku e fundashon ta hasiendo. “Nos ta masha kontentu di por duna un aporte i ta spera ku tur meta ku e fundashon a pone e aña aki keda konkretisá. Banco di Caribe ta enkurashá komunidat pa duna e fundashon un man. Hopi éksito!”

 

Di donashon pa akshon!

Tur aña e fundashon ta pone algun meta spesífiko pa e fondonan rekoudá. E aña aki lo aloká e fondonan pa hasi mantenshon di edifisio i atkisishon di aparato pa por sigui duna guia na tur kliente. Tambe lo pone fondo disponibel pa asistí mucha i maestro di skol ku buki adaptá pa enseñansa spesífiko. Un otro meta pa e fondonan ta, pa kubri aktividatnan sosial-rekreativo, esaki ta aktividatnan ku no ta parti di e trayekto di revalidashon. Finalmente, ta e idea pa yuda klientenan drenta merkado laboral. Pa mas informashon òf donashon bishitá www.probista.com   

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: