Promé Minister tabata presente na entrega di diploma na 40 Wetgevingsjurist

PROMÉ MINISTER/MINISTER TABATA PRESENTE NA ENTREGA  DI DIPLOMA PA 40 WETGEVINGSJURIST.

 

Willemstad – Promé Minister di Kòrsou Gilmar Pisas i Minister di Hustisia di Aruba Mr. Andin Bikker, tabata presente na e seremonia di entrega di diploma na 40 hurista ku a sigui un estudio pa bira “Wetgevingsjurist” djabièrnè dia 27 di ougùstùs último na Universidat di Kòrsou (UoC).

 

E estudio a keda organisá pa e instituto Caribbean Centre for Legislation (CCL). E instituto aki a keda lantá dor di e Paisnan CAS (Kòrsou, Aruba i Sint Maarten). Diferente profesor i otro profeshonalnan di lei tabata enkargá pa duna guia na e huristanan di e 3 paisnan. 

Despues di un periodo di 1 aña e Paisnan CAS por konta awor ku mas “Wetgevingsjurist” pa asistí e respektivo gobièrnunan den trahamentu di proyektonan di lei. 

 

Durante di e seremonia a hiba palabra Rector Magnificus di UoC sr. Dr. Francis de Lanoy, Dekano di Fakultat di Lei sra. Prof. Dr. Flora Goudappel i tambe señor Prof. Dr. Sjoerd Zijlstra. 

 

Promé Minister di Kòrsou ta kontentu ku e logro aki i a deseá tur e “Wetgevingsjurist” nan hopi sabiduria pa por duna e asistensia nesesario na e respektivo gobièrnunan. 

 

E estudio aki lo inisiá pronto pa un grupo nobo.