Studiante por digitalisá su karchi di bakunashon na Utrecht

Studiante por digitalisá su karchi di bakunashon na Utrecht

Geplaatst op 31 August 2021 dor di Ministerio Enseñansa, Siensia, Kultura & Deporte

Tur studiante di Kòrsou residensiá na Hulanda por kambia nan karchi di bakunashon na GGD Utrecht

WILLEMSTAD – Minister di Enseñansa, Siensia, Kultura i Deporte sr. Sithree ‘Cey’ van Heydoorn ta informá ku tur studiante di Kòrsou residensiá na Hulanda ku a keda bakuná na Kòrsou, por kambia nan karchi di bakunashon na GGD-Utrecht. Esaki nan por hasi di forma digital ku un kódigo-QR. Ta importante pa e studiantenan ku a keda bakuná na Kòrsou, kambia na karchi di bakunashon i hasi esaki di forma digital di forma ku esaki por keda usá den Union Oropeo.

E kódigo akí ta bálido na Hulanda i den tur pais di Union Oropeo, na mes momentu por usa e kódigo akí na èrpòrtnan. Aktividatnan grandi rònt Hulanda por hasi uso di e kódigo i alabes e ta mas fásil i aksesibel via di bo telefòn. Alabes bo por registrá si bo a haña COVID-19, ku bo ta bakuná i tambe resultadonan di PCR-tèst.

Tur studiante òf persona di nashonalidat hulandes por registrá basta bo tin bo prueba ku bo ta bakuná i/òf por demostrá esaki. Na momentu ku bo haña bo kódigo-QR e ta keda registrá riba e www.coronacheck.nl òf bo por baha e CoronaCheck-app via di Google-play òf App-store.

Pa hasi e kambio mester yama na +31 (0)30-8002899 i traha un sita. Pa mas informashon por bishitá www.rijksoverheid.nl.