Diesnuebe empleado di THZ a finalisá ku éksito kurso pa bira kontroladó A

 

Diesnuebe empleado di THZ a finalisá ku éksito kurso pa bira kontroladó A

Willemstad Djabièrnè dia 27 di ougùstùs ùltimo Departamentu di Higiena di Ministerio di GMN a hasi entrega di sertifikado na 19 empleado ku a pasa e kurso di “Kombatimentu di plaga i Komunikashon” ku éksito pa bira Vectorcontroleur- A, esta kontroladó A. E sertifikadonan a keda otorgá pa Minister dr. Dorothy Pietersz-Janga.

Durante di lunanan di yüni i yüli di e aña aki un grupo di 20 persona di e Sekshon di Kombatí Plaga (sangura, djaka etc) a sigui un kurso ku a keda duná pa ekspertonan riba e tereno di plaga, pestisida i komunikashon tantu lokal, pero tambe di Hulanda i di CARPHA di Trinidad. For di 2014 durante epidemianan di Chikunguña i Zika un tim di 20 persona a keda instituí pa yuda kombati e sangura Aedes aegypti. Durante e aktividat a hiba palabra sr. Lanionel Tromp hefe di THZ, sr. Sharlon Melfor Sekretario General, sra. Melissa Arias direktor di sektor di salú i Minister Pietersz-Janga,

Rekonosemetu spesial ta bai na e dos kursistanan ku e puntuashon mas haltu ku ta sra. Jurina Romer i sr. Kertly Rijna. Alabes ta felisitá demas kursistanan ku ta; sr. Curtly Haard, sra. Marisol Reiter, sra. Nilerica Zevenhuizen, sr. Raydrickson Samboe, sra. Dainara Lopez, sr. Luisandro Rosario, sr. Jumar Poppen, sr. Gionelo Regales, sr. Shairon Balentina, sr. Bryan Gosepa, sr. Roger Nicasia, sra. Haitette Vrutaal, sra. Jearmaline Cijntje, sra. Meloeska Mathilda, sra.Richelyne Herman, sra. Helga Petrocchi i sra. Lutania Rojer.

 


Riba potrèt 1, diskurso di Sekretario General sr. Melfor ante e kursistanan.
Riba potrèt 2, diskurso di Minister Pietersz-Janga ante e kursistanan.
Riba potrèt 3, momentu ku Minister Pietersz-Janga ta duna rekonosementu na e dos
                      personanan ku a risibí mihó puntuashon.
Riba potrèt 4, grupo di kursista flankea pa sr. Melfor, Minister Pietersz-Janga i sra.
                      Melissa Arias.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: