Detenshon pa intento di asesinato i trafikashon di hende i droga

 

KOMUNIKADO DI PRENSA 318 / 2021
8 sèptèmber 2021
Detenshon pa intento di asesinato i trafikashon di hende i droga.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djárason 8 di sèptèmber 2021, alrededor di 5or di mainta, personal di Divishon di Krímen
Organisá den koperashon ku KMAR a tene entradanan hudisial na e adrèsnan Kaya
Cristobal Colon i Kaya Lima.
E entradanan hudisial ta den kuadro di un investigashon penal ku ta andando relashoná ku
un kaso di intento di asesinato i trafikashon di hende i droga. Na e adrèsnan a detené e
hòmbernan sospechoso C.J.C.S. di 31 aña di edat i S.S.A.L. di 39 aña di edat, ámbos nasé
na Venezuela. Tambe polis a haña i konfiská droga i algun telefòn selular.
Na e adrèsnan ariba menshoná a detené algun persona ku no tabatin e dokumentunan
nesesario pa por permanesé riba nos isla. A entregá e personanan aki na e Departamentu di
Imigrashon.
A presentá e sospechosonan C.J.C.S i S.S.A.L. dilanti un fiskal ouksiliar ku a ordená nan
enkarselamentu pendiente di mas investigashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: