Skolnan ta keda guiá pa dòkter huntu ku tim di krísis

 

Skolnan ta keda guiá pa dòkter huntu ku tim di krísis

Geplaatst op 08 September 2021 dor di Ministerio Enseñansa, Siensia, Kultura & Deporte

WILLEMSTAD – Minister di Enseñansa, Siensia, Kultura i Deporte sr. Sithree ‘ Cey’ van Heydoorn ta informá ku tur skol ta keda guiá pa un dòkter speshal huntu ku tim di krísis. Situashon di COVID-19 ta keda monitoriá huntu ku direktivanan di skol, kabes di skol i dosentenan. Ta tene tur medida di prekoushon den e skolnan konforme protokòl.

Tur medida di prekoushon ta deskribí den e protokòlnan pa skol. Ta bon pa tene kuenta ku tur skol ta traha huntu ku nan direktiva di skol pa kumpli ku tur protokòl di e mihó forma. Tin un dòkter spesialmente asigná na kada direktiva di skol i e skolnan, ku ta yuda guia na momentu ku konstatá COVID-19 na un skol. Esaki ta forma parti integral di e tim pa asina yuda guia e proseso. Tur situashon ku presentá na skolnan tin e atenshon nesesario di e tim di EPI huntu ku Sektor di Enseñansa i Siensia. Skolnan ta tuma kontakto ku e tim via di nan Direktiva di skol i huntu ku e tim ta tuma desishon pa ku e situashon di e skol òf grupo kaminda tin kontagio. E punto di salida ta ku no ta sera skolnan, pero ta evaluá e situashon i wak kon ta hasi pa sigui ku enseñansa. Esaki teniendo kuenta tambe ku e posibilidat pa tene enseñansa di forma virtual. Pa mas informashon di COVID-19 na skol por klek aki i tuma nota di e protokòlnan: www.gobiernu.cw/protokol.

Alabes ta hasi un yamada na tur mayor pa si den kaso ku e mayor mes òf e yu tin síntomanan relashoná ku COVID-19, pa no laga e yu bai skol. Tuma kontakto ku bo dòkter di kas i evitá di sali fo’i kas. Na mes momentu ta pidi pa informá skol den kaso ku e mucha òf familiar ta kontagiá ku e vírùs di Corona.

Minister di Enseñansa, Siensia, Kultura i Deporte sr. Sithree van Heydoorn ta informá ku huntu ku tur ‘stakeholder’ ta guia e trayekto. Pa e motibu akí por indiká ku no tin motibu pa pániko na e skolnan, ni den enseñansa. Ta huntu nos ta bibando, reinventando i kreando den nos enseñansa kaminda e mucha ta sentral.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: