FFK KU BISTA RIBA E TRAYEKTO NOBO PA MUNDIAL 2026!

Ayera durante e reunion, Direktiva di FFK a tuma desishon en konekshon ku e futuro i e desaroyonan rondó di nos selekshon nashonal.

 

FFK ta lamentá ku e soño ku FFK, nos hungadónan i tambe nos kuerpo tékniko ta tin, no por a keda kristalisá. Esta; klasifiká pa promé biaha den historia pa Mundial 2022.

Esaki ta trese kuné ku FFK mester a hasi un evaluashon profundo pa yega na desishonnan ku ta regardá posibel kambio pa ku e kuerpo tékniko i su trayektoria durante e último añanan.

 

Direktiva di FFK a yega na e desishon ku pa e próksimo 4 añanan, FFK lo enkaminá un trayekto nobo ku un otro ruta. FFK ta gradisí tur miembro di nos kuerpo tékniko i nos hungadónan pa tur e esfuerso i trabounan ku a keda hasí durante e trayektoria anterior.

 

FFK lo tuma tempu pa atendé ku e reorganisashon di tur selekshon nashonal p’asina halsa e nivel di ekiponan maskulino, femenino, hubenil i nos kompetensianan lokal.

 

8 sèptèmber 2021