Lo eliminá formulario di transferensia na tur filial:  Banco di Caribe ta sigui ku su trayekto pa digitalisashon

 

Lo eliminá formulario di transferensia na tur filial: 

Banco di Caribe ta sigui ku su trayekto pa digitalisashon

 

WILLEMSTAD: Banco di Caribe ta konsiente di medioambiente i den kombinashon ku alternativanan digital  ku ya kaba ta ofresiendo ta kontinuá ku e trayekto pa sigui redusí uso di papel na su filialnan. Esaki klientenan por a nota den diferente aspekto di e servisio na Banco di Caribe. En realidat e trayekto pa digitalisashon di Banco di Caribe a kuminsá algun aña pasá, pero ku a bin haña mas kontenido despues ku mundu a konfrontá e pandemia. E meta semper ta; ofresé klientenan un servisio rápido i efisiente.

 

Lo eliminá formulario di transferensia na tur filial:

Konsekuentemente, entrante promé di òktober próksimo Banco di Caribe lo eliminá formulario di transferensia. Lo no aseptá niun formulario pa transferensia mas na kaha ni tampoko na resepshon. Komo alternativa ta rekomendá su servisio di ‘Online banking’. BdC Online ta moderno, fásil i sigur pa usa. Banco di Caribe su  sistema di ‘Online banking’ ta prosesá tur transferensia ku máksimo seguridat. Unabes e kliente tin akseso na BdC Online, e por hasi entre otro, transferensia entre su mes kuentanan, pago pa kuentanan di utilidat, transferensia pa un kuenta na Banco di Caribe mes òf pa otro banko lokal, pago di tarheta di krédito, transferensia pa eksterior i mas. 

 

Kada dia mas digital:

Banco di Caribe ta kontentu di por ofresé su klientenan un servisio moderno i aktualisá. Klientenan por fásilmente apliká pa BdC Online i hasi transakshonnan bankario rápido i seif den nan propio komodidat.  Por apliká pa e servisio di BdC Online tantu pa kuenta personal i kuenta di kompania; por kompletá e formulario di aplikashon via http://www.bancodicaribe.com. E ta posibel pa pasa personalmente na resepshon òf tuma kontakto ku un ‘account manager’ si tin pregunta. Importante ta pa kòrda traha un sita promé ku bishitá banko. Por traha un sita di e siguiente manera: yena e formulario di ‘contact us’ riba wèpsait òf yamando 432 3200.  Banco di Caribe ta gradisí tur kliente pa nan koperashon, miéntras ku konhuntamente nos ta kana e trayekto pa un banko mas digital. 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: