Algun mucha mas a siña kon pa ‘Spar’ Banco di Caribe ta sostené ‘Finansa Hubenil’ ku otro edishon di kurso pa mucha

Algun mucha mas a siña kon pa ‘Spar’

Banco di Caribe ta sostené ‘Finansa Hubenil’ ku otro edishon di kurso pa mucha

 

WILLEMSTAD: Djasabra último, un representante di Banco di Caribe a duna lès tokante di ‘Spar’ na muchanan ku ta partisipando den e kurso di ‘Finansa Hubenil’. E kurso mes lo finalisá dia 18 di sèptèmber próksimo. E aña aki Banco di Caribe a sostené e proyekto dunando e muchanan oportunidat pa partisipá na un kosto redusí i di e manera ei kontribuí na nan edukashon finansiero. E kurso ‘Finansa Hubenil’ ta sumamente importante pa formashon di nos futuro generashon, awor mas ku nunka.  E biaha aki e kurso a keda duná na mucha i hóbennan di 8 pa 12 aña. 

 

Banco di Caribe ta kompartí e vishon di e instruktornan; krea un futuro generashon ku ta manehá su finansa responsablemente i biba segun un plan di presupuesto. Esaki a bira aún mas importante den e realidat ku nos ta bibando, despues di ‘lockdown’ i e aktual pandemia. Sparmentu ta masha esensial den edukashon di un mucha. Den e kurso ‘Finansa Hubenil’ e muchanan a siña kon pa traha un plan di presupuesto, tambe kon pa spar i warda ku pasenshi pa por kumpra loke ku e gusta i mes importante ku esnan anterior; duna pa yuda otro mucha den nesesidat! 

 

Banco di Caribe ta mashá orguyoso di por aportá na un proyekto ku ta duna nos muchanan un bon base finansiero. Riba fotonan athunto e  grupo di mucha ku a partisipá i siña mas tokante e tema di ‘spar’. 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: