Vulnerabilidat den ret di CBCS probablemente debí na sistema pa traha for di kas

 

Vulnerabilidat den ret di CBCS probablemente debí na sistema pa traha for di kas

WILLEMSTAD/PHILIPSBURG: Un konklushon preliminar di e investigashon forense ku ta
andando ainda ta indiká ku ta e sistema pa traha for di kas (servisio di VPN) a hiba na un vulnerabilidat ku konsekuensia pa e ret operashonal di Centrale Bank van Curaçao en Sint Maarten (CBCS). E vulnerabilidat akí a permití hacker haña akseso na e ret di CBCS. ‘No opstante, na e momento akí, por bisa ku un grado haltu di siguridat ku CBCS tin akseso na tur su datonan i ku e medidanan di redukshon di daño tumá e ret ta protehá, aunke mester tene kuenta ku no ta eksistí 100% di siguridat’, segun Presidente di CBCS, Richard Doornbosch.
Inmediatamente despues ku CBCS a risibí e atvertensia dia 2 di sèptèmber, a inisiá e proseso di incident response, ku asistensia di e tim di eksperto, i a tuma medida pa kontrarestá e konsekuensianan di e atake sibernétiko. Entretantu, ta tumando medida pa pone CBCS su ret operashonal bèk den funshonamentu. CBCS a desaroyá un plan di paso den kolaborashon estrecho ku e tim ei i a base di opservashonnan risibí for di e stakeholdernan enbolbí. E plan ta formulá di tal manera ku e lo interferí ménos posibel ku Banko su servisionan eksterno.
Un elemento klave di e plan di paso ta ku lo laga un eksperto eksterno hasi un revishon kompleto di
e sistema. E meta ta pa kompletá e revishon akí den e promé kuartal di 2022. ‘Debí na e situashon aki
algun invershon anteriormente plania pa hasi nos sistema di ICT mas efisiente i mas resistente kontra
e tipo di atakenan akí den futuro, lo keda aselerá,’ Doornbosch a deklará.
Den e último añanan, por mira un oumento den e kantidat di atake sibernétiko na tur parti di mundu.
En bista di esei, CBCS ta rekomendá un i tur pa keda alerta pa posibel e-mail, mensahe di sms i yamada di telefòn froudulento, i pa semper tuma medida kontra posibel atake sibernétiko.
Willemstad, 14 di sèptèmber 2021
CENTRALE BANK VAN CURAÇAO EN SINT MAARTEN

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: