PROMÉ MINISTER/MINISTER DI ASUNTANAN GENERAL GILMAR PISAS A BAI SERA KONOSÍ OFISIALMENTE KU E ORGANO DI KONSEHO SOSIAL-EKONÓMIKO (SER).

PROMÉ MINISTER/MINISTER DI ASUNTANAN GENERAL GILMAR PISAS A BAI SERA KONOSÍ OFISIALMENTE KU E ORGANO DI KONSEHO SOSIAL-EKONÓMIKO (SER).

 

Willemstad – Promé Minister/Minister di Asuntanan General  Gilmar Pisas a bai sera konosí ofisialmente ku e organo di Konseho Sosial-Ekonómiko (SER).

 

Durante di e enkuentro Pomé Mibister a haña e oportunidat pa sera konosí ku tur esnan ku ta laborá na SER, pa medio di e direktor sr. Raul Henriquez, alabes risibí informashon pa ku e funshonamentu di SER i tambe informashon riba e desaroyonan aktual ku ta rekerí di Promé Minister/Minister di Asuntunan General su atenshon.

 

E Konseho Sosial-Ekonómiko (SER) ta un entidat permanente di konsulta ku e tarea pa duna rekomendashonnan na Gobièrnu i Parlamento riba ehekushon di proyektonan di e maneho sosio-ekonómiko, asuntonan di índole sosio-ekonómiko i riba regulashonnan legal di karakter sosio-ekonómiko.

 

Un di e funshonnan mas importante di SER ta pa krea sosten sosial pa e maneho sosio-ekonómiko, ekspresá den e rekomendashonnan di SER pa Gobièrnu.

Esei por den forma tripartit ku representantenan di dunadónan di trabou i di empleadonan, i miembronan independiente, diskutiendo riba i intenshonnan ku Gobièrnu tin, dunando rekomendashonnan sea solisitá òf no.

 

Den un siguiente reunion Promé Minister lo sera konosí ku e meimbronan di Tripartite ku ta forma parti di e organo konsultativo aki.