Pronóstiko di tempu pa Kòrsou i bisindario bálido te djamars mainta 06:00 o.l., 21 di sèptèmber 2021.

Day:	Djaluna	Djamars	Djárason	Djaweps	Djabièrnè
	parsialmente nublá	áwaseru aislá	áwaseru aislá	áwaseru aislá	parsialmente nublá
Rain probability:	0%	20%	20%	20%	0%
High:	33ºC / 91ºF	32ºC / 90ºF	33ºC / 91ºF	32ºC / 90ºF	33ºC / 91ºF
Low:	27ºC / 81ºF	26ºC / 79ºF	26ºC / 79ºF	26ºC / 79ºF	27ºC / 81ºF
Sunrise time:	06:25	06:25	06:25	06:25	06:25
Sunset time:	18:33	18:32	18:32	18:31	18:30
Wave heigth (meters):	0.5 – 1	0.5 – 1	0.5 – 1	0.5 – 1	0.5 – 1

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 21 di sèptèmber 2021.
Kompilá: djaluna 20 di sèptèmber 2021, 05:00 o.l. (09:00 UTC).

Tempu: Por lo general levemente nublá i lo bira un dia basta kaloroso un bes mas.

Temperatura máksimo lo alkansá 33ºC i temperatura mínimo 27ºC.
Solo ta sali 06:25 i ta baha 18:33 o.l.

Bientu: Generalmente for di ost i moderá; forsa 3 te 4 (11 te 30 km/ora, 7 te 16 nudo). De bes en kuando basta fuerte den ráfaga; forsa 5 (31 te 39 km/ora, 17 te 21 nudo).

Situashon general: Aire relativamente seku lo sigui pasa riba nos region limitando formashon di nubia ku por produsí áwaseru.  Mas aleu, den transkurso di djamars mardugá i mainta, kondishon atmosfériko lo bira un poko mas na fabor pa desaroyo di nubia  i áwaseru riba e teritorio lokal.

Kondishon di laman: Trankil ku altura di ola entre 0.5 i 1 meter (2 pa 4 pia).

Sistemanan signifikante di wer tropikal: Na e momento aki tin dos tormenta tropikal aktivo riba oséano Atlántiko, di kua tormenta tropikal Peter ta esun di mas serka di área Karibense na e momento aki. E tormenta aki ta ubiká awe mainta djis nortost di islanan ariba i lo sigui move den direkshon nortwèst, kedando na un distansia salvo di e islanan Karibense.

Fenómeno spesial: Ningun.

Perspektiva te djárason mainta: Shelu lo varia den kantidat di nubia i lo tin un mihó chèns pa algu di awa kai den oranan di mardugá i mainta.

Meteorólogo: Correa.