Minister Xiomara Maduro ta entrega e buki BaluArte na Conseho di Minister

Minister Xiomara Maduro ta entrega e buki BaluArte na Conseho di Minister

 

 

ORANJESTAD – Diamars mainta Minister Maduro a entrega e buki BaluArte na Conseho di Minister di Aruba. BaluArte ta un buki cu ta documenta historia di persona y organisacion cu a duna un contribucion significante na desaroyo di cultura den e ultimo 65 aña na Aruba. 

 

Documentacion di nos pilarnan cultural

BaluArte ta un buki cu ta contene informacion di nos pilarnan cultural, entre otro, tin informacion di e autornan di nos Himno di Aruba sr. Padu Lampe, sr. Rufo Wever y sr. Hubert Booi. Tin varios artista cu ta nos pilarnan cultural cu tambe ta comparti nan historia den e buki y cada articulo ta acompaña pa un cantidad di potret cu ta hiba nos bek den tempo. Asina nos ta haya e historia di sra. Bernadina Growell, sra. Maybelline Arends-Croes, sr. Jossy Brokke y Robert Jeand’or pa menciona algun. BaluArte ta contene tambe e historia di algun organisacion no gubernamental cu tin hopi aña trahando riba tereno di cultura, manera Cas di Cultura, Scol di Musica Rufo Wever y UNOCA.

 

BaluArte ta na benta

E buki BaluArte ta un bunita buki di calidad halto cu  ta na benta na UNOCA, Cas di Cultura, De Wit & Van Dorp Stores y Plaza Bookshop pa e suma di 55 florin. BaluArte ta un bunita regalo pa tur cu ta biba y aprecia cultura di Aruba.  

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: