TRANSPORTE DI TRANSFORMATÒR DI 30/12 KV ENTRE MUNDU NOBO PA MONTAÑA KOMO PARTI DI ESFUERSO PA OPTIMALISÁ SUMINISTRO DEN BANDA RIBA

 

TRANSPORTE DI TRANSFORMATÒR DI 30/12 KV ENTRE MUNDU NOBO PA MONTAÑA KOMO PARTI DI ESFUERSO PA OPTIMALISÁ SUMINISTRO DEN BANDA RIBA

Willemstad- Djaweps 23 di sèptèmber Aqualectra ta transportá un transformatòr grandi di su planta na Mundu Nobo pa su supstashon banda di Hoenderberg i Montaña Abou. E transformatòr di 30/12 kV ku tin un kapasidat max di 16 MVA lo remplasá e transformatòr aktual pa por optimalisá suministro di koriente pa Banda Riba. Relashoná ku e trabounan ku mester tuma lugá lo transportá e transformatòr entre 8 or di mainta pa 12 or di mèrdia bou di guia di polis. E ruta ku lo usa pa transportá e makinaria pisá aki ta di Helmin Magno Wiels Boulevard, Weg naar welgelegen, Frater Radulphusweg, Nijlweg, Schottegatweg West, Schottegatweg Noord, Snipweg, Schout bij nacht Doormanweg, Santa Rosa weg, Seru Loraweg, Caracasbaaiweg i Kaminda Jose C. Anthonia.  Aqualectra ta konsiente ku e transporte por kousa inkumbiniensa pa outomobilistanan i ta pidi komprenshon pa e inkumbiniensha.

Remplaso di e transformatòr aktual na e supstashon den Banda Riba ta nesesario despues ku esaki a sufri un desperfekto durante di e anochi di djasabra 11 di sèptèmber 2021. Despues di a inspekshoná e ruta i e ekiponan lo hasi uso di dje i hasi tur preparashonnan i regla pèrmitnan nesesario den deliberashon ku Kuerpo Polisial i DOW ta kla pa transportá e transformatòr.  

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: