Entrega di pèrmit di konstrukshon na one mambo beach

 

Entrega di pèrmit di konstrukshon na one mambo beach

 

Willemstad – Minister Tráfiko, Transporte i Planifikashon Urbano, Charles Cooper huntu ku Servisio pa Planifikashon Urbano (ROP) a hasi entrega di pèrmit di konstrukshon na un proyekto turístiko di impakto pa nos pais Kòrsou. E proyekto turístiko aki lo hasi Kòrsou mas atraktivo den e área di Bapor Kibra. 

 

One Mambo Beach, ta bai halsa kalidat i potensial di  di Mambo Beach ku 37 apartamentu eksklusivo i elegante na Bapor Kibra.  Pa logra e meta aki nan a risibí nan pèrmit di konstrukshon pa por konstruí 37 apartamento eksklusivo i luhoso den e parti sur di Pais Kòrsou. 

 

E proyekto aki ta repartí den fase i lo terminá denter di 2 aña, esaki ta konta ku un invershon di 30 mion florin. 

 

Durante di e tratamentu di e pèrmit di konstrukshon, diferente entidat di Gobièrnu a tene debido kuenta ku aspektonan importante manera, e parti di seguridat pa ku kandela, drenahe di awa pa ku e edifisio i tereno debí ku e lokalidat ta situá na e parti sur na kosta di Pais Kòrsou. 

 

E kompleho di apartamento luhoso i eksklusivo di One Mambo Beach lo bira un edifisio moderno ku elegante moderno tropikal, e ta repartí den 26 apartamento i 4 penthouse na e parti sur di e edifisio tin 6 apartamento i 1 penthouse. Kada apartamento lo tin su propio lugá di parker. Minister Charles Cooper ta hopi kontentu ku e proyekto aki,  ya ku e ta ofresé Mambo i pais Kòrsou un posishon atraktivo turistiko den Karibe.

 

Pa mas informashon por tuma kontakto ku ROP via e number +5999433-3200. Tambe por manda Whats app na number di telefòn +5999511-3874 òf por manda e-mail na info.rop@gobiernu.cw

 

 

 

 

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: