PROMÉ MINISTER GILMAR PISAS A SERA KONOSÍ KU E PRESIDENTE DI KORTE SUPREMO DI HULANDA.

PROMÉ MINISTER GILMAR PISAS A SERA KONOSÍ KU E PRESIDENTE DI KORTE SUPREMO DI HULANDA.

 

Willemstad – Promé Minister Gilmar Pisas a sera konosí ku e Presidente di Korte Supremo na Hulanda, sra. Mr. G. (Dineke) de Groot, dia 28 di sèptèmber 2021.

 

Sra. Mr. G. (Dineke) de Groot ta bira e promé presidente femenino di Korte Supremo na Hulanda.

For di 2021 e ta traha na Korte Supremo komo konsehero pa ku e parti di derecho sivil i derecho di impuesto, i for di 1 di yanüari 2018 komo vise presidente di Korte Supremo.

 

Durante di e bishita aki Promé Minister a haña e oportunidat pa sera konosí un poko mas di aserka ku e funshonamentu di Korte Supremo na Hulanda. Tambe a elaborá riba algun otro tópiko di sumo importansia.

 

Korte Supremo ta e tribunal di mas haltu na Hulanda den kasonan sivil, penal i fiskal. E ta tambe e Korte Supremo pa e Paisnan Aruba, Sint Maarten i Kòrsou, i tambe e islanan ku ta forma parti di Hulanda ku ta Boneiru, St. Eustatius i Saba.

Korte Supremo ta un tribunal di kasashon. Esaki ta nifiká ku Korte Supremo ta evaluá si e hues a interpretá i apliká un lei korektamente.

 

Ambos sra. Mr. De Groot i Promé Minister tabata satifecho ku e kombersashon ameno ku nan a hiba durante di e bishita aki.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: