Partido Democraat: Nos grandinan mester wòrdu kuidá i balorá komo e fundeshi di nos eksistensha

 

Partido Democraat: Nos grandinan mester wòrdu kuidá i balorá komo e fundeshi di nos eksistensha

 

Awe riba Dia Internashonal di Grandinan, Partido Democraat ta ekstendé un pabien di kurason na nos grandinan i tur esnan ku ta duna balor i rèspèt na nos grandinan den e etapa di nan bida aki. 

 

E ta un realidat ku den nos komunidat nos grandinan ta hopi deskuidá. No solamente dor di Gobièrnunan di turno sino tambe en general. 

 

Partido Democraat ke duna hopi elogio na tur esnan ku, di un forma òf otro, si ta duna atenshon na nos grandinan. Manera e grandi su famia, su amistatnan, bisiñanan, pero tambe trahadónan den kuido pa grandinan i fundashonnan ku ta sali na vanguardia di nos grandinan. Democraat tin elogio tambe pa kasnan di grandi ku ta brinda trabou profeshonal ofresiendo aktividatnan ku sentido i na midí tur dia na nos grandi

 

Partido Democraat semper a balorá nos grandinan i a traha realmente na benefisio di nos grandinan introdusiendo den pasado entre otro penshun i seguro di behes pa nos grandinan. 

 

P’esei, Democraat ke urgi Gobièrnu i Parlamento pa den e medidanan di landspakket tene kuenta ku nos grandinan i wak te kon leu por suavisá e medidanan pa ku nos grandinan.

 

Aktualmente, por ehèmpel, Gabinete Pisas a tuma e desishon kaminda SVB lo bai adaptá e pakete di fysioterapia. Esaki ta pone ku pa nos grandinan e ta bira imposibel paga pa tratamentu di fysioterapia, sigur esnan ku ta biba ku solamente e penshun di AOV. 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: