Spich di Gezaghèber Edison Rijna riba 30 di sèptèmber 2021

 

Spich di Gezaghèber Edison Rijna riba 30 di sèptèmber 2021

 

Kralendijk – Bon tardi tur hende,

 

E situashon di COVID-19 na nos isla ta serio. Nos tabatin dos fin di siman tras di otro kaminda un pashènt di COVID a bai sosegá. Nos ta kombibí ku famia di e defuntunan.

                                                                                                                             

Nos ta mira ku for di fin di siman e kantidat di kaso di COVID a oumentá i no ta tur fuente ta konosí ainda. Salubridat Públiko ta tene kuenta ku e kasonan por sigui oumentá. Awor ta  prinsipalmente  adulto no bakuná ta pega ku e vírùs.  Awe nos tin 120 kaso aktivo di COVID i tin 1 hende hospitalisá. Nos ta tene kuenta ku na dado momento den futuro kisas nos mester manda pashènt di COVID pa hospital pafó di Boneiru, komo ku aki no tin e kuido nesesario pa nan.   

 

Salubridat Públiko ta traha duru pa haña un bon bista di unda e fuentenan di kontagio ta. Ta di lamentá ku ta sosodé tin biaha ku hende no ke koperá ora e departamento ta hasi investigashon di fuente i kontakto. Mi ta lamentá esaki mashá. Mester hasi e investigashonnan akí hustamente pa dominá e kontagionan. Si Salubridat Públiko aserká bo pa partisipá na e investigashon di fuente i kontagio, por fabor hasi esaki i kooperá. Ta na interes di  nos un i tur.

 

Pa awor aki nos ke wak huntu ku Salubridat Públiko  si e kantidat di kaso di COVID ta sigui oumentá i kiko esaki ta nifiká pa sektor di kuido. Despues di evaluá esei nos ta disidí si ta nesesario pa tuma  mas medida i nos lo informá  komunidat di esei. Por lo pronto nos ta mantené e medidanan ku ta na vigor te promé di novèmber benidero.

 

Mi ke menshoná algun di e medidanan: Na  enkuentro den seno privá ta permití maksimalmente 50 hende. Te ainda ta permití un máksimo di 100 hende pa ta presente na un evento. Si bo ta bai un enkuentro deportivo, wak pa bo mantené bo mes na e reglanan durante i despues di e enkuentro.  Awor aki ta tempu pa nos ta èkstra kouteloso i asumí nos responsabilidat.  Asina nos por evitá ku e kantidat di kontagio ta subi. Pèrkurá biba salú, drumi sufisiente, i sòru pa bo keda den moveshon. Pa mas informashon bishitá http://www.bonairecrisis.com

 

Si bo no a bakuná ainda, bai bakuná.  Mi ke hasi un yamada spesial na hende ku ta den grupo di riesgo, manera hende ku enfermedat di suku, òf ku sobrepeso, òf hende ku problema di kurason, pa nan no tuma riesgo i bai bakuná. Yama 0800 0900 pa traha un sita. Bo por pasa tur djasabra sin traha sita di 09:00 te 14:00 or pa pasa angua kontra corona. Laga nos sigui kuida nos mes i esnan rònt di nos.

 

Toespraak van Gezaghebber Edison Rijna op 30 september 2021

 

Kralendijk – Bon tardi allemaal,

 

De COVID-19 situatie op ons eiland is ernstig. Wij hebben twee weekenden achter elkaar meegemaakt dat een COVID-patiënt is overleden. Wij leven mee met de families van de overledenen. 

 

Sinds het weekend zien we een toename van het aantal gevallen van COVID en nog niet alle bronnen zijn bekend. Publieke Gezondheid houdt er rekening mee dat de gevallen kunnen toenemen. Het zijn voornamelijk niet-gevaccineerde volwassenen die besmet raken met het virus. Vandaag hebben wij 120 actieve gevallen van COVID en er is 1 persoon opgenomen in het ziekenhuis. Wij houden er rekening mee dat wij misschien in de toekomst patiënten naar ziekenhuizen buiten Bonaire moeten sturen, omdat wij hier niet de benodigde zorg hebben. 

 

Publieke Gezondheid werkt er hard aan om goed zicht te krijgen waar de bronnen van de besmettingen zijn. De afdeling maakt soms helaas mee dat mensen niet mee willen werken aan het bron-  en contactonderzoek. Dat vind ik heel jammer. Deze onderzoeken zijn juist nodig om de besmettingen onder controle te krijgen. Als Publieke Gezondheid u benadert om mee te werken aan het bron en contactonderzoek,  werk dan alstublieft mee.  Het is in het belang van ons allemaal.       

 

Op dit moment bekijken we samen met de Publieke Gezondheid of het aantal besmettingen blijft  toenemen en wat dat voor de zorg betekent. Na die evaluatie besluiten wij of het nodig is om meer maatregelen te nemen en zullen wij u daarover informeren. Voorlopig houden wij de huidige maatregelen aan tot 1 november aanstaande.

 

Ik noem een aantal van deze maatregelen. Bij privé bijeenkomsten mogen maximaal 50 mensen aanwezig zijn. Voor evenementen geldt nog steeds een maximum van 100 mensen. Als u naar een sportevenement gaat, houd u zich dan tijdens het evenement en na afloop ervan aan de regels. We moeten juist nu extra voorzichtig zijn en onze verantwoordelijkheid nemen. Zo kunnen we voorkomen dat het aantal besmettingen toeneemt. Zorg dat u gezond leeft, dat u voldoende slaapt en ook dat u in beweging blijft. Voor meer informatie, ga naar onze website bonairecrisis.com.

 

Als u nog niet gevaccineerd bent, laat u dan vaccineren. Ik wil een speciale oproep doen aan mensen die in een risicogroep zitten, zoals mensen met suikerziekte, of met overgewicht, of mensen met hartproblemen, om geen risico te nemen en zich te laten vaccineren. Bel 0800 0900 om een afspraak te maken. U kunt elke zaterdag zonder afspraak van 09:00 tot 14:00 uur langskomen voor een coronaprik. Laten wij goed voor onszelf blijven zorgen en voor degenen rondom ons.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: