SDKK – Sentro di Detenshon i Korekshon Kòrsou 10 kliente di SDKK a terminá e kurso di pelamentu ku eksito

SDKK – Sentro di Detenshon i Korekshon Kòrsou

10 kliente di SDKK a terminá e kurso di pelamentu ku eksito
Willemstad – Resientemente tabatin entrega di sertifikado na 10 kliente di prizòn ku a sigui e projekto “E Arte di un Barbero”.
E kurso di pelamentu akí tabatin un durashon di 8 siman, kaminda e klientenan por a siña e fishi di barbero bou di guia di señor Rignald Cecilia di Smoothline Barbershop.
Durante e kurso a para ketu na e parti di teoria di pelamentu, e téknikanan di kon ta hasi uzo di mashin di pela I sekuensia di uzo di e mashin. Tambe e parti di higiena kual ta hopi importante i aktitut di trabou di un barbero.
Den un ambiente hopi ameno por a mira e satifakshon di e kursistanan, pa nan por sigui ku kursonan asina akí pa mas klientenan i tambe pa habri un barberia den prizon kaminda klientenan i personal di SDKK por bin pela.
Gerensia di SDKK ta sumamente kontentu ku e resultado di e projekto akí, debí ku por a duna un oportunidat na e klientenan akí pa forma na mes den e fishi di pelamentu.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: