Banko Sentral ta lansa un kompetensia bou di studiantenan CBCS Best Economic Research Award

Banko Sentral ta lansa un kompetensia bou di studiantenan
CBCS Best Economic Research Award
Willemstad/Philipsburg – Na 2018, Centrale Bank van Curaçao en Sint Maarten (CBCS), en
konekshon ku e di 190 aniversario di CBCS, a introdusí e CBCS Best Economic Research
Award. Pa krea mas insentivo i pa promové investigashon riba e ekonomianan di Kòrsou i Sint
Maarten, CBCS a disidí pa lansa e segundo edishon di CBCS Best Economic Research Award
e aña aki. Tantu studiantenan di HAVO i VWO na Kòrsou i Sint Maarten komo studiantenan di
bachelor òf master na universidatnan lokal i internashonal por partisipá den e kompetensia aki.
E premio aki lo wòrdu presentá den kuater kategoria:
I. Best Economic Research Award riba nivel di HAVO. E ganadó lo risibí un premio di
NAf. 2.500 i un trofeo.
II. Best Economic Research Award riba nivel di VWO. E ganadó lo risibí un premio di Naf
2.500 i un trofeo.
III. Best Economic Research Award riba nivel di Bachelor. E ganadó lo risibí un premio di
Naf 10.000 i un trofeo.
IV. Best Economic Research Award riba nivel di Master. E ganadó lo risibí un premio di Naf
10.000 i un trofeo.
CBCS ta spera ku e proyekto aki lo ser aseptá pa e skolnan na Kòrsou i Sint Maarten, dor di
motivá nan studiantenan ku tin ekonomia den nan kuríkulo pa partisipá den e kompetensia aki.
Ganadónan lo ser anunsiá dia 1 di yüli 2022. Lo bai tin un seremonia di entrega di premio un
siman despues di e fecha menshoná.
Pa mas informashon tokante ken tur por partisipá, e reglanan di e kompetensia i e formulario di
evaluashon, por fabor bishitá CBCS su wèpsait http://www.centralbank.cw/education/best-paperaward.
Willemstad, òktober 9, 2021
CENTRALE BANK VAN CURACAO EN SINT MAARTEN

 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: