Bo ta kla pa CHATA su sena di gala di benefisensia? Ku oradó, invitado speshal, Jandino Asporaat.

Bo ta kla pa CHATA su sena di gala di benefisensia?

Ku oradó, invitado speshal, Jandino Asporaat.

 

Willemstad, 11 di òktober 2021 – Siman pasá CHATA a anunsiá su promé sena di gala di benefisensia. E sena ta un oportuinidat pa bishitantenan skapa realidat i eksperensiá un anochi ekstravagante. Ku e evento aki, CHATA lo rekoudá fondo pa sigui invertí den proyektonan ku ta benefisioso pa e sektor di turismo i tambe komunidat.

 

Bishitantenan lo disfrutá di un sena di kuater kurso di nivel haltu na CHATA su miembro, Curaçao Marriott Beach Resort, kompañá pa un variedat di biña, sorspresa i tambe arte na findishi. Sinembargo e entretenimentu prinsipal di e anochi lo ta nada mas i nada menos ku nos propio Jandino Asporaat, entrepreneur, komediante lokal i internashonal, aktor, pruduktor, eskritor i aktor di bos.

 

Sr. Asporaat semper a keda ku un amor imenso pa Kòrsou i tambe ta kontribuí kontinuamente na e sektor di turismo. E ta un embahador eksitóso di Kórsou i CHATA ta ekstremadamente gadesido pa risibi’é komo e oradò inspirativo na e promé sena di gala di benefisensia di CHATA.

 

Pues prepará bo mes pa un eksperensia i trato royal durante un anochi  ku CHATA, Jandino Asporaat, kuminda sukulento, arte impreshonante i muchu mas. CHATA ta kontentu pa selebrá e anochi aki kubo, pues no lubidá di reserva bo lugá, ya ku nan ta limitá.

Pa mas informashon tokante karchi, bishitá CHATA su paginanan di media sosial o su wepsait www.chata.org.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: