Detenshon relashoná ku menasa.

 

KOMUNIKADO DI PRENSA 349/ 2021
18 òktober 2021
Detenshon relashoná ku menasa.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Relashoná ku un mensahe di bos ku tabata sirkulá den fin di siman den kua tabatin
ekspreshon di menasa kontra di entre otro Minister President di Kòrsou i funshonarionan di
tim di krisis, polis a detené un hòmber sospechoso.
Djaluna 18 di òktober 2021, a presentá na warda di reshèrshi un hòmber ku a indiká ku ta e
ta outor di e mensahe di bos relashoná ku menasa.
Alrededor di 08.45’or polis a detené e hòmber R.C.T. nasé na Kòrsou di 62 aña di edat,
relashoná ku e kaso ariba menshoná.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: