Partido Inovashon Nashonal (PIN) ta satisfecho ku a tuma algún akshon pa atende ku e crisis den salubridat públiko, sin embargo mester di atenshon urgente den diferente área mas.

 

 

Partido Inovashon Nashonal (PIN) ta satisfecho ku a tuma algún akshon pa atende ku e crisis den salubridat públiko, sin embargo mester di atenshon urgente den diferente área mas.

Despues  ku Partido Inovashon Nashonal (PIN) a salí fuertemente riba e situashon di falta di kuido hospitalario i e situashon di Klinika Capriles ku Ontvanger a pone beslag riba nan sènnan na SVB, PIN ke ekspresá di ta satisfecho ku CMC ta haña un adelanto di 5.3 mión di SVB pa start kuido elektivo.

Tambe PIN ta satisfecho ku lo fasilitá Klinika Capriles espasio pa por paga e trahadónan salario. PIN lo sigui vigilá e situashon.

Sinembrago, e kadena di kuido médiko ku ta kai bou ministerio di Salú mester di atenshon úrgente den diferente área mas. Entre otro Gobièrnu mester atendé ku e disputa entre nos hospital nashonal ‘CMC’ i nos laboratorio nashonal ‘ADC’. No por laga nos fondonan públiko slip bai pa sektor privá siendo ku ta ADC, nos laborarorio nashonal, a prepará pa traha e trabou di laboratorio pa CMC. ADC a tuma trahadónan di SEHOS i invertí den edifisio i aparato. Kemen, Gobièrnu mester intervení pa spar sèn di pueblo!

Banda di esaki, Ministerio di Asuntunan Sosial mester atendé ku kasnan di kuido di grandinan,  ya ku e kuido pa grandi tambe ta den zona di peliger debí na falta di sèn, awor ku a kòrta ainda mas den nan supsidio. No ta Betèsda (verpleeghuis ku ta kai bou GMN) so meresé atenshon, pero tambe e kasnan di kuido di grandi ku ta kai bou di Ministererio di Asuntunan Sosial!

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: