Trabou Pa Kòrsou TPK ta bishitá Bureau Telecommunicatie & Post.

 

Trabou Pa Kòrsou TPK ta bishitá Bureau Telecommunicatie & Post.

Un pueblo bon informá no por wòrdu manipulá.

 

Parlamentario pa Trabou Pa Kòrsou TPK, sr. Rennox Calmes, a hasi un bishita na Bureau Telecommunicatie & Post (BTP).  E tema prinsipal ku a wòrdu toká ta e parti di regulashon di preis di gasolin. BTP su tarea ta pa regulá tarifa di gasolin. Tarifanan ta wòrdu kalkulá 1 luna adelantá. Konforme BTP e preis di gasolin a subi drástikamente a konsekuenshia di seramentu di Refeneria Isla.

Un di e konsekuenshanan di seramentu di Isla ta por ehèmpel ku Kòrsou aktualmente no tin ‘opslag’ pa gasolin (komponente 1A ku 1 B).  BTP ta indiká ku gobièrnu mester bini ku un solushon duradero pa ku kompra di diesel ku ‘brandstof’. Gobièrnu tin di tuma un desishon pa lokual ta impuesto riba importashon i OB riba gasolin.

Manera a wòrdu bisá anteriormente, Trabou Pa Kòrsou TPK ta hasi e bishitanan aki komo meta pa informá pueblo. Un pueblo bon informá no por wòrdu manipulá!