Weganan Deportivo Eskolar a ranka sali
Weganan Deportivo Eskolar a ranka sali
Geplaatst op 28 October 2021 dor di Ministerio Enseñansa, Siensia, Kultura & Deporte
WILLEMSTAD – Ministerio di Enseñansa, Siensia, Kultura i Deporte (ESKD) huntu ku Fundashon Desaroyo Deportivo Kòrsou (FDDK) ta informá ku weganan di deporte eskolar 2021/2022 a kuminsá na skolnan riba djaluna último, 25 di òktober. Minister Sithree ‘Cey’ van Heydoorn ta indiká ku e weganan deportivo aki ta inisiá konforme e maneho ku e ta hiba. Deporte eskolar sigur ta bira grandi, mirando e entusiasmo di e diferente skolnan.
A kuminsá ku e deporte di futbòl den kategoria di enseñansa di fundeshi pa mucha hòmber. E aña aki tin un kantidat grandi di 24 skol ku a inskribí, kual ta mas tantu ora kompará ku añanan anterior. Pues futbòl eskolar a kuminsá dia 25 di òktober último i ta bai terminá den novèmber 2021. E ramonan di deporte ku ta keda organisá den deporte eskolar ta: Futbòl, Sòftbòl, ‘All Star’ i ‘Homerun Derby’, ‘Mens erger je niet’ i Trèfbal. FDDK pronto lo publiká un lista ku diferente otro deporte ku tambe lo bai forma parti di deporte eskolar 2021/2022.
Gabinete Pisas ta sumamente kontentu i ta keda stimulá desaroyo deportivo di nos suidadanonan. Minister Sithree ‘Cey’ van Heydoorn ta trahando duru pa haña mas fondo pa deporte. Huntu ta sigui traha pa drecha nos fasilidatnan deportivo tambe.
Den e skema athunto por tuma nota di e deportenan ku ta keda organisá na tur skol.
