Minister Cijntje ta reuní ku representantenan di Port of Rotterdam

 

Minister di Desaroyo Ekonómiko, Ruisandro Cijntje a reuní ku representantenan di Port of Rotterdam.

 

 

Willemstad, – Minister di desaroyo ekonómiko, sr. Ruisandro Cijntje a risibí sr Marc Evertse di Port of Rotterdam huntu ku sr. Humberto de Castro. Minister Cijntje ta komprometé ku desaroyo di ekonomia di Kòrsou i tambe e transishon ekonómiko di nos haf. 

 

Durante di e enkuentro a deliberá riba e futuro di haf di Kòrsou i e rol di “Havenbedrijf Rotterdam” den esaki. Ambos partido lo sigui eksplorá posibilidatnan pa traha huntu, sin ku esaki nesesariamente mester enserá benta di aktiva o akshon di e empresa estatal.

 

Minister Cijntje ta kontentu ku Havenbedrijf Rotterdam” su interes den nos puerto i ta keda guia e desaroyonan pa asina nos por saka benefisio ekonómiko pa desaroyo di nos pais.