NOS SELEKSHON NASHONAL MASKULINO U-20 LO PARTISIPÁ NA E CONCACAF U-20 CHAMPIONSHIP KU LO TUMA LUGÁ NA REPÚBLIKA DOMINIKANA DI 5 PA 14 DI NOVÈMBER 2021!

 

 

NOS SELEKSHON NASHONAL MASKULINO U-20 LO PARTISIPÁ NA

E CONCACAF U-20 CHAMPIONSHIP KU LO TUMA LUGÁ NA REPÚBLIKA DOMINIKANA DI 5 PA 14 DI NOVÈMBER 2021!

 

 

E último selekshon nashonal ku lo representá Kòrsou e aña aki lo ta nos selekshon maskulino kategoria U-20. Nan lo biaha dia 4 di novèmber binidero pa Repúblika Dominikana pa partisipá na e CONCACAF U-20 Championship ku lo tuma lugá di 5 pa 14 di novèmber próksimo. Un total di 19 pais den Karibe i Latino Amerika lo partisipá na e torneo aki ku a keda repartí den 3 grupo di 5 pais i un grupo di 4 pais.

 

E repartishon ta lo siguiente;

 

Grupo A; Kòrsou, Grenada, Dominica, Sint Maarten i British Virgin Islands

Grupo B; Repúblika Dominikana, St. Lucia, Belize, Saint Martin i Anguilla

Grupo C; Bermuda, Puerto Rico, St. Vincent & The Grenadines, Barbados i Montserrat

Grupo D; Nicaragua, Guyana, Cayman Islands i US Virgin Islands

 

Nos selekshon U-20 ya tin algun siman ta preparando i ta praktiká pa saka kara di Kòrsou. Tambe e selekshon aki a partisipá na Torneo ABCS 2021, ku a tuma lugá na inisio di òktober, komo parti di nan preparashon pa nan próksimo kompromisonan.

Un grupo di 20 hungadó ta forma parti di nos selekshon nashonal kategoria U-20.

E hungadónan aki ta hungadónan áktivo den Liga MCB pero tambe den Kampionato Hubenil. E selekshon aki tambe lo konta ku algun hungadó residensiá na Hulanda ku a bin pa reforsá nos hungadónan lokal.

 

Preparashonnan ta kanando den ful swing pa nos selekshon nashonal U-20 maskulino tambe saka nos kara durante CONCACAF U-20 Championship!

 

Keda pendiente pa mas informashon…

 

31 òktober 2021

Click here / Klik aki pa wak kuantu aktividat interesante e muchanan ta hasi https://www.facebook.com/Total-Care-Institute-454507071305043
Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: