Prome dialogo publico relaciona cu investigacion doctorado  Isleñonan na Timon


 

 

 

 

Prome dialogo publico relaciona cu investigacion doctorado  Isleñonan na Timon

 

Harold Kelly, arkeologo di Museo Arqueologico Nacional Aruba (MANA), ta candidato doctorado arkeologia (PhD) y ta den e prome etapa di su investigacion. E investigacion ta forma parti di e programa academico Isleñonan na Timon, dirigi riba Caribe Hulandes. E programa su meta ta co-crea solucionnan inovativo y sostenibel pa atende cambio di clima, planifica y diseña desaroyo urbano, sostene maneho y haci uzo di practicanan valioso existente.

 

Harold Kelly ta investiga e efecto di cambio di clima riba bida diario desde antaño te awendia y con e ser humano a adapta na e cambio aki. Comunidad ta un fuente importante pa haya sa mas di e relacion entre cambio di clima y forma di biba. Pa esaki Harold Kelly hunto cu MANA ta organisa encuentronan cu partidonan interesa/stakeholders. Diahuebs 28 di october ultimo a tuma luga e prome sesion. 

 

Participantenan a delibera cu hopi entusiasmo riba e temanan relaciona cu e investigacion y a yuda identifica otro organisacion y personanan cu lo por aserca pa haya nan contribucion. Pronto lo organisa mas encuentro cu otro grupo den comunidad. Den futuro Harold Kelly lo biaha pa su investigacion pa Sint Maarten y Boneiro. Harold Kelly y MANA ta agradecido pa contribucion di e participantenan di e prome encuentro y ta confia cu otro grupo y personanan tambe lo duna nan contribucion na su investigacion.

Pa esnan cu ta interesa pa haya sa mas tocante e projecto di investigacion por sigui e pagina “Islanders at the Helm’ riba Facebook.


 

Click here / Klik aki pa wak kuantu aktividat interesante e muchanan ta hasi https://www.facebook.com/Total-Care-Institute-454507071305043
Click here / Klik aki pa wak kuantu aktividat interesante e muchanan ta hasi https://www.facebook.com/Total-Care-Institute-454507071305043
Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: