ESTRENO : HUMA  – Trint’i Mei , Lantamentu Anunsiá



 

ESTRENO : HUMA  – Trint’i Mei , Lantamentu Anunsiá

 

Fundashon NAAM a estrená dia 1 di novèmber 2021, su seri di dokumental titulá; HUMA Trint’i Mei, Lantamentu Anunsiá; riba su kanal di Youtube.

Episodio 1:  “Kaminda tin kandela” ta introdukshon di e diferente aspektonan di e Historia , kual lo keda tratá den e siguiente episodionan. Kiko nos sa di loke a pasa ? Kon bin e opinion general ta asina polarisá? Den e promé episodio nos lo tende kua ta e echonan ku a pone ku e evento históriko aki ta asina kompleho, i lo será konosí ku esnan ku a kolaborá kompartiendo nan eksperiensha den e seri.

klek aki pa episodio 1. :  https://www.youtube.com/watch?v=QFZh4rCfYMQ&t=43s

E seri di dokumental  HUMA Trint’i Mei, Lantamentu Anunsiá  tin diesun kapítulo, di  mas o ménos 20 minüt ku lo ta disponibel riba Youtube di Fundashon NAAM. Durante siman lo saka mas video Ekstra, pues keda sigui nos riba Social Media:
Facebook: https://www.facebook.com/huma30dimei1969
Instagram: https://www.instagram.com/huma_30dimei
Youtube: https://www.youtube.com/channel/UCv0JESfmjEmBWQePsuYIPbw

E seri di dokumental ta un kontinuashon di e proyekto “50 aña 30 di Mei – Te Aki, Ban Sigui” pa konmemorá sinku dékada di Trinta di Mei  1969  ku Fundashon NAAM a lansa na 2019. Un eksposishon a rekoré seis bario den un bus i tabata inkluí Teatro Foro, un produkshon di Virtual Reality i un programa edukativo pa skol pa yuda alsa konosementu di pueblo di Kòrsou tokante e komunidat di e tempu ei i e susesonan ku a akumulá pa yega na 30 di mei 1969. E seri di dokumental ta un manera pa yega muchu mas serka di pueblo di Kòrsou ku e historia aki.

Ku e bista riba enseñansa i skol, Fundashon NAAM lo ofresé guia pa uso di e seri dokumental pa e parti didáktiko i uso den klas. Dosentenan ku ta interesá lo por tuma kontakto ku Fundashon NAAM.

 

nota pa redakshon: Athunto nos ta manda aki un trailer https://vimeo.com/623834943 i pa mas pregunta por tuma kontakto ku Dimitri Cloose na 4621933/34 of via info@naam.cw

Click here / Klik aki pa wak kuantu aktividat interesante e muchanan ta hasi https://www.facebook.com/Total-Care-Institute-454507071305043
Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: