Masha Pabien! Subway su ‘Get Fit, Get Going’ ta konosé su promé 10 ganadornan
Masha Pabien!
Subway su ‘Get Fit, Get Going’ ta konosé su promé 10 ganadornan
WILLEMSTAD: Tabata djamars atardi na Subway Saliña ku a hasi entrega di premio na e promé 10 ganadornan di e kompetensia Get Fit, Get Going. Manera tur hende sa, e programa di entrenamentu i guia alimentisio ta dura 3 luna largu. Tur luna ta saka 10 ganador òf mihó bisá e partisipante ku mas peso a pèrdè. Por ehèmpel si na kuminsamentu a pone e meta pa baha 15 kilo total, esei ta nifiká ku pa luna e partisipante mester baha 5 kilo. Na fin di desèmber Subway lo saka 6 ganador ku lo gana un di e premionan mayó. Un di nan ta, 1 aña Subway grátis!
Promé ku a kuminsá e trayekto tur partisipante a wòrdu pisá i midí pa ‘body fat’ i kada partisipante a indiká pa nan mes kuantu nan ke baha. Partisipantenan ta risibí entrenamentu dos bes pa siman, riba djamars i djaweps. Tur seshon di entrenamentu ta tuma lugá riba e lugá di parker di Subway Saliña. Entrenadó Bertje i su tim di BFox ta duna tur partisipante teps kon pa bira e mihó vershon di nan mes i alkansá nan meta. Ademas di esaki, entrenadó Aisheron di Fit Body Goals ta coach tur partisipante kon pa kome balansá i saludabel, ku prinsipalmente kumindanan di Subway.
Subway ta gradisí tur 8 partner di e fitness program; Bfox, Boolchands, Changes, Deli Nova, Fit Body Goals, Goisco, Powerade i TeleCuracao. Konhuntamente ta pèrkurá pa e premionan di luna i e premionan na final di e kompetensia. E premionan di luna ta netamente pa stimulá i motivá e partisipantenan pa no give-up, sino pa sigui i yega e meta final. Subway ta felisitá tur e ganadornan den e tanda aki!
###
Riba fotonan athunto un impreshon di e entrega di premio
ku a tuma lugá ayera atardi na Subway Saliña.