Impuesto riba propiedat inmobil (Onroerendezaakbelasting/OZB)
Impuesto riba propiedat inmobil (Onroerendezaakbelasting/OZB)
Geplaatst op 03 November 2021 dor di Ministerio Finansa
Willemstad – Riba 11 mart 2021 Parlamentu di Kòrsou a aprobá e proyekto di lei pa kambia e ‘Landsverordening onroerendezaakbelasting 2014′ (Lv OZB). No a publiká e proyekto di lei aprobá i pa e motibu ei e lei no a drenta na vigor.
Ademas, aprobashon di Parlamentu a enserá un amendia proponé riba e proyekto di lei.
Den Parlamentu, e proyekto di lei a enserá introdukshon di dos tarifa adishonal i un redukshon general di e tarifanan di OZB. E meta di e amienda aki tabata introdukshon di un dispensashon adishonal den e OZB.
Sinembargo, den e inkorporashon di e amienda na e proyekto di lei den Parlamento, sierto kambio a krea un diskrepansia entre e fecha ku e lei mester a drenta na vigor i e fecha ku Parlamento a aprobá. E efekto di esei tabata ku entrante 1 di yanüari 2019 menos propiedat immobil lo a ser envolví den e kobramentu di impuesto ku originalmente tabata e intenshon.
E konsekuensia di e situation menshoná tabata ku, ademas di e pèrdida fiskal di mas o menos Naf. 8 mion kreá dor di e redukeshon di tarifa, lo tin tambe un pèrdida fiskal adishonal di kua no a kalkulá kuantu esei lo ta. No a tene kuenta ku pèrdida adishonal aki ni den e proposishon di lei ni den e presupuesto (supletorio) pa 2021.
En bista di e palabrashon relashoná ku e defisit kreá den e presupuesto 2021, esta ku e defisit aki mester ta igual òf menos ku e defisit den e presupuesto 2020, i e echo ku den e presupuesto supletorio 2021 no a tene kuenta ku e pèrdida adishonal, a deskonsehá ratifikashon i publikashon di e lei ku Parlamentu a aprobá.
Manera ta konosí e situation finansiero-ekonómiko di Pais ainda ta prekario i komo tal redukshon di e tarifanan OZB no ta un posibilidat na e momentu aki. “Richtlijnen ter invordering van openstaande schulden bij de Ontvanger” ta ofresé posibilidat pa drenta un areglo di pago pa debenan atrasá di impuesto riba propiedat inmobil.
Spesifikamente penshonadonan ku tin solamente un entrada di AOV por risibí despensashon di debe di OZB.
