PROMÉ MINISTER GILMAR PISAS A REUNÍ KU  TASK FORCE MENSENHANDEL.  

PROMÉ MINISTER GILMAR PISAS A REUNÍ KU 

TASK FORCE MENSENHANDEL.

 

Willemstad –  Promé Minister/Minister di Hustisia Gilmar Pisas a reuni ku Task Force Mensenhandel dia 11 di novèmber 2021.

 

Durante di e reunion aki Promé Minister/Minister di Hustisia a sinta tambe ku representantenan di Ministerio Públiko (OM), Kuerpo Polisial (KPC) i diferente otro funshonario di e Ministerio di Hustisia.

A papia ampliamente riba kon ta bai duna mas atenshon riba henter e aserkamentu i kombatimentu di trafikashon di hende.

 

Diferente punto a bini dilanti kual a pone ku Promé Minister/Minister di Hustisia a pidi pa lanta un unit ku lo bai atendé mas di aserka ku e asuntu aki. 

Tambe e la pidi pa traha un plan di akshon pa e unit su funshonamentu.

 

Tur esnan presente a mustra interes i ke partisipashon den e unit aki.