Minister Ruisandro Cijntje: Djabièrnè último mi a risibí e barku krusero Mein

Minister: Ruisandro Cijntje

BON SIMAN!
Djabièrnè último mi a risibí e barku krusero Mein
Schiff 1 na Mega Pier 2, Yama Tula. Esaki ta promé biaha ku e barku krusero ta bishitá Kòrsou. Mein Schiff 1 ta operá bou di e liña krusero di TUI Cruises. Mein Schiff 1 a yega Kòrsou ku 1451 pasahero i un personal di 724. E barku ku a sali for di Alemania riba un biahe di 35 dia tin kapasidat pa 2750 pasahero.
E barku krusero tabata promé na Aruba i despues di bishitá Kòrsou el a sigui pa Boneiru. Nos
por spera un bishita di Mein Schiff 1 kada dos siman den e lunanan di novèmber i desèmber
2021.
Tambe mi tabatin un interkambio hopi ameno ku kapitan di e barku Mein Schiff 1 i a
entregá un plakat ku lo ta den e “gangway” di e barku, ya asina tur turista ku subi Mein Schiff 1
por tuma nota di dje. E kapitan di Mein Schiff 1 a indiká ku nos porta ta unu hopi interesante i
nan ta sinti seif na Kòrsou debí ku hopi hende ta bakuná.
Karibe ta un destinashon di hopi interes pa turismo krusero i den kuadro di esaki mi lo sigui hasi tur posibel pa nos haña mas krusero ku ta bini for di Oropa.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: