TRES DJASABRA HABRÍ PA KITA NÒMBER FOR DI REGISTRO DI KRANSHI
MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO
TRES DJASABRA HABRÍ PA KITA NÒMBER FOR DI REGISTRO DI KRANSHI
PUBLIKÁ RIBA 06 YÜLI 2023
WILLEMSTAD – Ministerio di Maneho di Gobernashon, Planifikashon i Servisio Públiko ta informá ku Asuntunan Públiko (Kranshi) lo habri riba djasabra 8, 15 i 22 di yüli 2023. Motibu di esaki ta pa siudadanonan por kita nòmber for di registro awor ku nan ta bai biba pafó di Kòrsou.
Departamento di Asuntu Públiko, esta Kranshi, ta krea e oportunidat speshal akí pa klientenan por kita nan nòmber for di registro den tur trankilidat. Riba e 3 djasabranan (8, 15 i 22 di yüli) akí no por brinda e otro servisionan ku Kranshi ta duna durante siman. E servisio pa kita nòmber for di registro ta solamente pa esnan ku ta bai biba afó.
Kranshi ta sigui hasi esfuerso pa duna su aporte na tur siudadano di Kòrsou. Pa mas informashon tuma kontakto ku Lokèt di Pèrmit, Departamentu Bentana di Informashon, na 433-3123 òf WhatsApp 433-3127.
