Diputado Thielman a firma akuerdo di intenshon di koperashon ku munisipio di Krimpen aan den IJssel
Den kuadro di e proseso pa establesé Sentro di Servisio na Boneiru
Diputado Thielman a firma akuerdo di intenshon di koperashon ku munisipio di Krimpen aan den IJssel
Kralendijk – Diputado Hennyson Thielman a firma djaluna 22 di novèmber último, durante di su bishita di trabou na Hulanda, na nòmber di Entidat Públiko Boneiru un akuerdo di intenshon di koperashon ku e munisipio di Krimpen aan den IJssel.
E alkalde, señor Martijn Vroom, a firma na nòmber di e munisipio e akuerdo di intenshon, ku ta enserá ku e munisipio di Krimpen aan den IJssel ta dispuesto pa sostené Entidat Públiko Boneiru riba e area gubernamental ku traspaso di konosementu den e proseso pa establesé un Sentro di Servisio.
Manera ta konosí Entidat Públiko Boneiru ta trahando pa den kurso di otro aña kuminsá ofresé tur su servisionan bou di un dak dor di establesé un Sentro di Servisio. Den e kuadro aki e grupo di trabou di Digitalisashon di Entidat Públiko Boneiru a pidi e munisipio di Krimpen aan den IJssel sosten den realisashon di e plan aki. Ya durante e aña aki funshonarionan di e munisipio a sostené e grupo di trabou di Digitalisashon pa establesé prosesonan na un departamentu di Entidat Públiko Boneiru.
Ku firmamentu di e akuerdo di intenshon por sigui kana awor e kaminda pa formalisá e sosten di e munisipio di Krimpen aan den IJssel den realisashon di un Sentro di Servisio na Boneiru.
Ta e intenshon pa e munisipio di Krimpen aan den IJssel asistí Entidat Públiko Boneiru riba diferente tereno durante di e proseso pa establesé un Sentro di Servisio. Esaki dor di lanta un grupo di trabou Sentro di Servisio, dor di duna ekspertisio riba e area di lei i regla pa e Sentro di Servisio i tambe ekpertisio riba e area di maneho. Banda di esaki e munisipio lo duna asistensia tambe den e proseso di digitalisashon di e aparato públiko di Boneiru.
Ku e akuerdo di intenshon aki e munisipio di Krimpen aan den IJssel i Entidat Públiko Boneiru ke sondea tambe e posibilidatnan pa yega na un koperashon sostenibel di sosten gubernamental entre e Sentro di Servisio na Boneiru i esun na Krimpen aan den IJssel.
In het kader van oprichting Klant Contact Centrum op Bonaire
Gedeputeerde Thielman tekent intentieovereenkomst samenwerking met gemeente Krimpen aan den IJssel
Kralendijk – Gedeputeerde Hennyson Thielman heeft afgelopen maandag 22 november, tijdens zijn werkbezoek in Nederland, namens het openbaar lichaam Bonaire een intentieovereenkomst samenwerking getekend met gemeente Krimpen aan den IJssel. Namens deze gemeente heeft de burgemeester, de heer Martijn Vroom, de intentieovereenkomst ondertekend, waarbij gemeente Krimpen aan den IJssel zich bereid heeft verklaard om het openbaar lichaam Bonaire ambtelijk via kennisoverdracht te ondersteunen bij het inrichten van een Klant Contact Centrum.
Zoals bekend, is het openbaar lichaam Bonaire bezig om in de loop van volgend jaar te beginnen met het aanbieden van al haar diensten onder één dak door het inrichten van een Klant Contact Centrum. In dit kader heeft de Werkgroep Digitalisering van het openbaar lichaam Bonaire aan gemeente Krimpen aan den IJssel ondersteuning gevraagd bij het realiseren van dit plan. Functionarissen van deze gemeente hebben de Werkgroep Digitalisering reeds eerder dit jaar ondersteund bij de inrichting van processen bij een afdeling van het openbaar lichaam Bonaire.
Met ondertekening van de intentieovereenkomst kunnen nu verdere stappen worden gezet om de ondersteuning vanuit gemeente Krimpen aan den IJssel, ter oprichting van een Klant Contact Centrum op Bonaire, verder te formaliseren.
Het is de intentie dat gemeente Krimpen aan den IJssel het openbaar lichaam Bonaire op verschillende terreinen bijstaat tijdens het oprichten van het Klant Contact Centrum. Dit door het oprichten van een werkgroep Klant Contact Centrum, door expertise te leveren op het gebied van wet- en regelgeving voor het Klant Contact Centrum alsook beleidsmatige expertise. Daarnaast zal de gemeente ook bijstand verlenen in het proces van digitalisering van het ambtenarenapparaat van Bonaire.
Met deze intentieovereenkomst wil gemeente Krimpen aan den IJssel en het openbaar lichaam Bonaire ook nagaan wat de mogelijkheden zijn om te komen tot een duurzame ambtelijke ondersteuning van samenwerking tussen het Klant Contact Centrum op Bonaire en die in gemeente Krimpen aan den IJssel.
